Valdimar Vilhjálmsson með sín hugarflug og innlegg.

Innlestur.

Mon, 13 Feb 2012 04:23:59 GMT

57FCC781C1557D59CA1C4515C10E1C04

Frjáls ríki og þjóðir.

Sun, 22 Jan 2012 03:39:11 GMT

Í krafti eigin fjármagns hafa hreyfingar komið áróðri sínum fram og stuðlað að því að markmið þeirra komist í gegn. Ólíkar hreyfingar, nefni kommúnista á tímum uppgangs Sovéts, Nazista á tímum Hitlers, NATÓ á tímum eftirstríðsára.Aðeins örfá dæmi hvernig hreyfingar í krafti fjármagns tókst að laða að sér fjölda fólks, og á okkar tímum er Evrópusambandið að sulla yfir okkur áróðursmaskínu sinni með grímulausum áróðri í mynd Evrópustofu og fer ekki dult með hverjir kosta þessa starfsemi. Ég var um tíma í hópi þeirra sem þóttist sjá Evrópusambandið í ljósi framfara og betri lífskjara fyrir okkur Íslendinga sem og annarra landa í álfunni. Tálsýn birtist þetta mér er frá leið, báknið í Brussel birtist sem vettvangur kommissara og sviplausra kontórista sem hirða sín himinháu laun og lifa í vellystingum praktuglega. Kola og stálsambandið eins ig það var nefnt í upphafi til að koma í veg fyrir stríð sem þessi lönd höfðu háð um aldir hefur breyst í bandalag kontórista og kommissara sem hafa breytt þessu svokallaða friðarbandalagi í skrifræðisstofnun að hætti nasizma og kommúnisma sem við viljum ekki sjá á okkar tímum. Ég vil sjá samstarf sjálfstæðra ríkja í nánu tollabandalagi með fríverslun en ekki undir oki bandalags sem ESB er.

Vanhæfur borgarstjóri; vanhæf borgarstjórn.

Wed, 11 Jan 2012 06:13:26 GMT

Ég veit ekki hvers konar þankar brjótast um í kollum borgarstjóra Reykjavíkur, félaga hans í Besta flokknum né þeirra í samstarfsflokknum Samfylkingarinnar. Það á helst ekki að nota salt og sand til að koma sem mest í veg fyrir beinbrot og jafnvel verri meiðsl sem geta valdið ævilangri örorku. Borgarstjórinn virðist veruleikafirrtur eða er hann aðeins leikbrúða í höndum annarra sem fara þá í raun með stjórnina. Alla helgina var hvorki saltað né sandað því þá getur fólk bara haldið sig heima og vera ekkert á þvælingi! Það er svo óhentugt að bera sand á hálkusvæði því það er svo mikið mál og kostnaðarauki að sópa honum í burtu eftir að hlánar, og saltið, það veldur mengun og umhverfisspjöllum og mengun. Það hefur líklega gleymst hjá borgarstjórn að sjórinn er saltur og pusar gjarnan upp á land brimsöltu vatni við sjávarsíðuna án þess að valda hinum minnsta skaða! En séu málin vegin og metin í beinhörðum peningum borgar sig þá ekki margfalt að snara út peningum fyrir salti og sandi auk þess að greiða mönnum laun sem vinna við gatnahreinsun, og að eyða sem mest stórhættulegri hálkunni. Hvað kostar öll sú læknishjálp, vinnutap og aðrar afleiðingar sem stafar af því að fólk hefur slasað sig illa við beinbrot, liðhlaup og snúning á ökkla? Svo ekki sé minnst á þjáningar og verki sem skerða lífsgæði við svona byltur, og síðast en EKKI síst varanleg örorka sem fólk hefur orðið að líða fyrir, allnokkur eru dæmi þess, að ekki sé talað um dauðsföllin sem hafa orðið vegna þessara hálkuslysa, ég veit um þau nokkur, eitt meira að segja var þannig vaxið að ég þekkti lítillega til fjölskyldu viðkomandi.

Aratúnsmálið enn og aftur.

Sun, 08 Jan 2012 08:11:48 GMT

Nöfn okkar stefndu: Ásta Erna Oddgeirsdóttir, Indriði Helgason, Trausti Laufdal Aðalsteinsson, Valdimar Vilhjálmsson. Svokallað Aratúnsmál. Við mættum öll við þingfestingu í seinni hluta apríl að mig minnir,enginn stefnenda mætti og við biðum til einskis! Kominn heim síðdegis beið þá mín önnur stefna í póstkassanum, ólöglegt, slíkt á að afhenda augliti til auglitis og kvitta fyrir móttöku. Þrátt fyrir skammarbréf til Vilhjálms H. Vihjálmssonar lögmanns stefnenda svaraði hann af hroka og þumbaraskap. Lögfræðingurinn hefur sett allt í gang, enda orðstýr hans að veði! Mættum til þingfestingar öðru sinni og nú fór boltinn að rúlla. Fjölskyldan "ofsótta" sem stundaði þá iðju að ofsækja grimmilega sjálf hafði aldrei þann karakter til að bera að mæta okkur augliti til auglitis í réttarsal! Okkar lögmaður, Kári Hólmar Ragnarsson hefur staðið sig með prýði og sóma. Fer hér hratt yfir sögu. Komið að dómsúrkurðum, (réttarhöld fóru yfir okkur hvert í sínu lagi) þá vorum við karlarnir þrír sýknaðir örfáum dögum fyrir jól, en mál Ástu Ernu látið bíða framyfir áramót til 5. janúar. Og úrskurðurinn hneyksli! Henni er gert að greiða þremur meðlimum fjölskyldunnar kr. 100.000 hvert, auk málskostnaðar þessarar fjölskyldu kr. 200.000! Hvers konar réttarfar er þetta? Það var sami dómarinn í málum okkar allra, Sigríður Ólafsdóttir. Ég fæ ekki séð að ummæli Ástu hafi verið á nokkurn grófari né harðari heldur en þau sem við hinir þrír létum falla. Ekki er því þannig varið að Ásta Erna lifi í neinum lúxus, er á örorkubótum sem sífellt er verið að klípa af og skerða. Nei Ásta Erna skal hundsa dóminn það er ekkert til að ganga að henni svo mér sé kunnugt nema hún ætti sér íbúð sem ég veit hún á ekki, býr í leiguhúsnæði. Ofbeldisglæpamenn, handrukkarar, siðblindingjar og önnur illyrmi hafa gengið sigri hrósandi úr dómssölum eftir ótrúlega væga dóma og jafnvel sýknu, í mesta lagi fengið skilorð! Er þetta réttarfarið á Íslandi dagsins í dag? Viljum við svona réttarkerfi?

Dómar vegna orða.

Wed, 28 Dec 2011 06:35:45 GMT

Það féll dómur í máli mínu 22. des. Dómurinn hljóðaði upp á algera sýknu í þessu meiðyrðamáli sem fjölskylda nokkur á höfuðborgarsvæðinu er búin að vera ötul að stunda upp á síðkastið, fólk sem enginn vil hafa í nábýli sé litið til ferils þeirra og sögu. Ráðast á nágranna sína með bareflum, ausa yfir þá fúkyrðaflaumi, beita vatni, að ekki sé talað um þann svívirðilega verknað að sprauta piparúða sem veldur óbærilegum sársauka, og það viðbjóðslegasta af öllu að hlífa ekki saklausu barni í fangi föður síns fyrir utan að kalla þetta barn "hóruungann". Auk þess hafa hnefar og barefli ekki verfið spöruð. Ætla að rekja sögu þessa stuttlega, hún gekk yfir mig og marga fleiri. Þau sáu sér leik á borði að ná fé út úr fólki og fjölmiðli með málssóknum, þar á meðal mér og 3 öðrum sem leituð til sama lögfræðings og unnið hefur vel og varið af festu þannig að allavega 3 ef ekki öll 4 eru sýkn saka. Að vísu fellur á okkur málskotnaður til hálfs, en hvað um það. Ég er feginn að hafa ekki tekið "boði" um afsökunarbeiðni og 150 þúsund í miskabætur eins og einum varð á að gera. Hjónin kröfðust samtals 1 milljón út úr mér, en af hinna 3 hendi 1 1/2 milljón, enda voru dóttirin og sonurinn komin í spilið. Ég veit að dómar hafa fallið þessu fólki í vil, t.d. einstaklingur, góðvinur þeirra sem þola hafa mátt hryllingin og skrifaði um það blogg, auk nokkurra annarra sem og DV sem fjallaði hvað ýtarlegst og gleggst um málið sem fjölmiðlum ber að gera. Við Trausti Laufad og Indriði Helgason höfum fengið sýknudóma og ég vona að sama verði með Ástu Ernu Oddgeirsdóttur. Hér er stiklað á stóru.Ekki er útilokað að málum verði áfrýjað af fjölskyldu þessari, nema Trausta, lögfræðingur ofbeldishneigða fólksins hefur lýst opinberlega að það verði ekki gert. Verði annað gagnvart okkur þremur, þá verði þeima að því. Fólk sem treður illsakir við náungann getur ekki riðið feitum hesti frá þessu og það er ljóst að þarna er vansælt fólk sem enginn vil vera í sporum í og á að leita sér sálfræðihjálpar og sálusorgunar.

Í réttarsal 25. nóvember 2011.

Sun, 27 Nov 2011 02:19:45 GMT

Ég mætti tímanlega í Héraðsdóm Reykjavíkur 25.nóv.2011 þar sem aðalmeðferð á máli mínu í svokölluðu Aratúnsmáli á að vera tekin fyrir kl. 09:10. Það er fámennt en góðmennt fyrir utan dómssal nr. 301, raunar bara ég, en brátt birtist lögmaður minn, Kári Hólmar Ragnarsson og heilsar mér með virktum.Ég spyr hann hvort stefnendur, fólkið að Aratúni 34 í Garðabæ muni ekki láta svo lítið að mæta, en hann kveðst ekki eiga von á því sem og kemur á daginn.Lögmaður þeirra, Vilhjálmur H. Vilhjálmsson kemur síðan, heilsar Kára Hólmari, svo og lögmanni DV sem þarna er kominn, en ekki lætur hann svo lítið að varpa á mig kveðju, einhverju áfátt í uppeldi hans þrátt fyrir skikkju sem á að vera til vitnis um virðuleika stöðu hans sem í mínum augum gjaldfellur þarna, enda hafði hann í upphafi ferlis málsins klúðrað stefnum og boðun til réttarhaldsins á svo ófagmannlegan og barnalegan hátt að hann ætti ekki að fá að bera lögmannsskikkjuna. En nú mætir dómari í salinn og allir stöndum við upp.

Málflutningur hefst og lögmaðurinn V.H.V. romsar út úr sér málflutningi án umbjóðenda.

dreifa af hálfu sækjanda þar sem mér er Þá tekur Kári Hólmar Ragnarsson við mér til varnar og fer vel með með, og að lokum lögmaður DV.Fer ekki nánar út í málflutning þeirra að svo stöddu. Ég lít á málsstað minn sem góðan. Aratúnsfólkið er eingöngu á höttunum eftir peningum, ég er ekki sá eini sem þau lögsækja, við erum 4 með sama lögmann og svo eru að auki einhver önnur mál sem þau eru að sækja til saka og allt ber að sama brunni, peningar og aftur peningar.Þetta fólk hefur slæman málsstað að verja, það hefur níðst á nábúum sínum og ekki einu sinni hlíft saklausum litlum börnum. Fortíð .þeirra er ekki fögur, það hef ég heyrt frá nábúum mínum hér í Vesturbæ Reykjavíkur þar sem þau voru áður búsett.Samviskan er auri ötuð og erfitt ef ekki ógjörningur að hreinsa orðspor þeirra eftir allt sem á undan er gengið.

Upplifun í réttarsal.

Sat, 26 Nov 2011 19:48:57 GMT

Það er að safna í reynslusarpinn að mæta í réttarsal. Hef tvisvar mætt sem vitni og núna sem stefndi. Ekkert til að fárast yfir, aðeins safnar maður í sarpinn. Í hnotskurn kemur mín reynsla hér á eftir.

Kína, hið illa heimsveldi.

Sat, 26 Nov 2011 19:13:49 GMT

Förum ekki að gera Huang Nubo að einhverju fórnarlambi eða píslarvotti. Hann Huang er ekkert nema leppur stjórnvalda sinna. Þau dubba hann upp í auðkýfing sem "yrkir ljóð" milli fjárfestinga!!!. Skoðum nánar hvað Kínversk stjórnvöld standa fyrir. Þau af fádæma mannvonsku ruddust inn í friðsamt Tíbet, rústuðu menningu þeirra og arfleið, hröktu Dalai Lama og stjórn hans við illan leik úr landi suður yfir torfær fjöll til Indlands. Þau hafa í freklegum hótunum við lönd þau sem sýna útlagastjórn Tíbet og stjórn Taívan gestrisni. :Þau heimta að meðlimir Falung Gong séu ekki í augsýn "viðkvæmra" ásjónur forseta og annarra fulltrúa þessa ríkis þar sem þau fara um í boði annarra ríkja. Munum heimsókn Kínaforseta 2006 hér í Reykjavík. Kínversk frelsishetja fangaður í dýflissi fékk friðarverðlaun Nóbels með þeim afleiðingum að Kínastjórn setti stjórn Noregs út í kuldann og rifti öllum viðskiptasamningum við það land. Að ekki sé minnst á glæpi gegn mannkyni, framin á "Hliði að Torgi hins himneska Friðar" þar sem Kínastjórn lét skriðdreka valta yfir og myrða friðsæla mótmælendur á þeim vettvangi árið 1989. Stjórn Kína svífst einskis í glæpaverkum sínum og hefur miskunnarlaust í hótunum við alla þá sem "dirfast" að andæfa þeim. Við leyfum þeim að hafa sendiráð í Reykjavík sem er ekkert nema gróðrastía áróðurs og að fegra laskaða ímynd sína. Látum þá ekki komast upp með hótanir og afarkosti sem þeim hefur verið svo gjarnt að komast upp með. Höldum þeim á mottunni.

Forseti Íslands.

Sat, 12 Nov 2011 09:45:59 GMT

Spurt er hvort forseti Íslands skuli gefa kost á sér eður ei.

Mitt svar er JÁ, ég kaus hann ekki í upphafi en eftir frammistöðuna að taka afstöðu með þjóð varðandi icesavce í tvígang get ég ekki annað en tekið afstöðu með honum.

Fólkið gagnvart fjármagninu.

Sun, 30 Oct 2011 21:45:15 GMT

Icesave er búið að vera svo fyrirferðamikið í umræðunni að mörgum, þar á meðal mér hefur fundist meira en nóg um, fengið það alveg upp í kokið en við samt verið meðvitaðir um að allt þetta var nauðsynlegt, við sjáum það best í dag eftir 2 synjanir forseta Íslands á frumvörpum um nauðungargreiðslur og jafnmargar atkvæðagreiðslur sem felldu þessi óheillalög úr gildi.

Þetta var í raun hólmganga þjóðarinnar við stjórnvöld landa sem vaðið hafa með drullugum skóm yfir lendur annarra, rænt og ruplað auðlindir þeirra og beitt þjóðirnar svívirðulegri kúgun og harðræði. Á þessu athæfi Evrópuþjóða grundvallaðist auður þeirra, á illa fengnu fé. Að vísu einhverjar kola og járnnámur í álfunni en ekki í þeim mæli nema til innanlandsnota, og vopna og skipasmíða sem gerði þeim kleift að herja á aðrar álfur.

Það hefur verið árátta ríkisstjórna eins og Breta og annarra að krefja þjóðir landa um "skaðabætur" sem þær aldrei báru ábyrgð á. Eftir fyrri heimsstyrjöldina sem enginn í raun veit hverjir kveiktu eða áttu upptökin að komu sigurvegararnir að og þjörmuðu að þýsku þjóðinni um siðlausar stríðsskaðabætur sem gengu svo hart og nærri þjóðinni og olli henni þeim hörmungum að leiddi til annarrar heimsstyrjaldar og enn verri. Uppgangi nasismans má "þakka" þessari framgöngu Breta, Frakka og annarra nýlendukúgara.

Hefðum við gengið að afarkostum Breta og Hollendinga að greiða icesave með okurvöxtum og illum kjörum væru þessi og 2 næstu kynslóðirnar að sjá fram á myrka framtíð. Góðu heilli vörpuðum við þessum óheillaáformum vanhæfinnar ríkisstjórnar fyrir róða.

Við okkur blasir samt barátta gegn siðlausu fjármagnspakki sem ríkisstjórnin í ófyrirleitni sinni og heimsku lét 2 helstu banka okkar í hendur fyrir slikk.

Í heiminum er vakning gegn fjármagnsveldinu sem vonandi tekst að knésetja. Það er okkar að ganga fram fyrir skjöldu og hrifsa þessa banka og auðlindirnar sem þeir hafa að veði úr höndum þeirra. Þá vonandi tekst að skapa réttlátan heim þar sem jöfnuður og siðgæði ríkir.

Ágirnd og græðgi.

Tue, 13 Sep 2011 14:16:23 GMT

Í þrasi og fjasi einstaklinga er orsökin oftar en ekki; græðgi og heldur upp allan stigann, það er fyrirtæki, fjármálastofnanir, sveitastjórnarmálefni, landsmálapólitík, heimsmálapólitík og hvað sem nöfnum tjáir að nefna.

Það að við Íslendingar, og reyndar fleiri þjóðir erum að fást við fjármálakreppu sem teygir sig inn í helgustu vé einstaklinga, fjölskyldna og heimila er afleiðing græðginnar. Það eru að steypast yfir okkur afleiðing taumlausrar og glæpsamlegrar ágirndar og græðgi sem skóp sýndargóðæri á meðan örfáir glæpamenn í banka og fjármálageiranum fleyttu rjómann ofan af vitandi hvaða afleiðingar það hefði á endanum fyrir pöpulinn sem í þeirra augum er víst ekkert of góður til að gleypa subbuskapinn og ógeðið eftir þá. "Látum helvítin borga"!!!

Það versta er að þetta fjárglæpahyski sleppur. Það er úiti um allar jarðir með fé sitt í öruggri vörslu aflandseyja og skattaparadísa. Hér eru settar á stofn svokallaðar rannsóknarnefndir, sérstakur saksóknari og annað í þeim dúr, en allt ætlar þetta að enda á sýknu og jafnvel fébótum eins og með landsbankastjórann fyrrverrandi sem fékk 700 þúsund kall í vasann fyrir ónæðið! Ég er að tala um þennan ógeðfellda karakter Sigurjón Árnason sem "afrekaði" það að hrynda af stað þeirri ógæfu sem "icesave" var og er.

Fyrrum hluthafar Landsbanka þeirra Björgólfsfeðga vinna að því að stefna þeim yngri fyrir dóm. Vonandi fær skúrkurinn Björgólfur Thor þau málagjöld sem hann á skilið. Ég kynntist honum þó nokkuð á árum áður og átti við hann samskipti, þó ekki fjárhagsleg sem betur fer.

Afleiðingar verka þessa glæpahyskis eru núna að koma niður á saklausum í formi eignamissis og gjaldþrota heimila og fyrirtækja.

Það sem þarf eru réttarhöld í formi þeirra sem haldin voru yfir nasistaforingjum í Nürnberg í Þýskalandi eftir seinni heimsstyrjöld. Það yrði samt enginn hengdur þó margir vafalaust óski þess að sjá þennan óþjóðalýð á gálganum.

Minnisglöp.

Sun, 04 Sep 2011 04:00:23 GMT

Minnið er margslungið fyrirbæri og ýmislegt getur blundað í fólki án þess vitundar, allavega ekki á yfirborðinu. Talað er um langtímaminni og skammtímaminni. Kannski er skammtímaminni mitt að þverra, og jafnvel að það sem kennt er við "alzheimer" að ná yfirhöndinni. Hver veit? Ástæða þess að ég skrifa þetta er að fyrir örfáum mínútum ætlaði ég að blogga um ákveðinn hlut, en þegar til kom og tölvan tekin fram man ég ekki um hvað það var, og man það ekki enn. Hvað á maður að halda, t.d. þegar maður gerir sér erindi fram í eldhús, en þegar þangað er komið man ég ekki hverra erinda ég er kominn þangað?

Ég vil elska mitt land.

Thu, 25 Aug 2011 04:51:27 GMT

Það er einhver árátta í gangi að fólk sem ann ættlandi sínu og vilji því allt það besta sé haldið annarlegum hvötum og borið á brýn útlendingahatur og rasisma! En hvað er eðlilegra en að elska land sitt, þjóðerni, arfleifð, sögu og halda á lofti því sem gengnar kynslóðir hafa látið okkur eftir? Eðlilega höfum við ást á uppeldisslóðum okkar, héraði, við höldum með okkar íþróttaliði og allt talið eðlilegt. Við höldum að sjálfsögðu með landsliðum okkar í fótbolta, handbolta, körfubolta og hvað sem nöfnum tjáir að nefna. En það að elska land sitt, tungumál, sögu og hvað sem nöfnum tjáir, það er orðið þjóðremba, rasismi og annarlegar kenndir! Þetta viðhorf er sérstaklega áberandi í röðum krata, Samfylkingarfólks eða hvað það vill kalla sig. Þetta fólk vill samruna við Brusselkommissarana, þessa andlitslausa fólks sem stjórnast af einhverjum annarlegum sjónarmiðum og tilskipunum af freðnu liði sem vill ákveða hvernig ljósaperur við notum svo dæmi sé tekið! Ef okkur er legið á hálsi fyrir að segja "Áfram Ísland", "Íslandi allt", "Guð blessi Ísland" og þar fram eftir götunum þá er illa fyrir okkur komið.

Aldurinn farinn að marka sitt?

Wed, 24 Aug 2011 02:41:34 GMT

Ég átti góða kvöldstund á indverskum veitingastað með vinnufélögum og naut ljúffengra kræsinga frá því ágæta landi í boði hússins. Að því loknu var haldið á Íslenska Barinn að Pósthússtræti 9, sá staður er tengdur Hótel Borg og sest þar við skraf og drykki. Virkilega ánægjulegt kvöld í heildina. Þar kom að hyggja að heimferð. Ég labbaði inn á Lækjargötu þar sem BSR er með biðstaur og tók þann bíl sem fremstur var í röðinni heim í Vesturbæ. Bílsstjórinn ungur og ekkert nema kurteisin og þægilegheitin. Er heim var komið var veskið dregið upp til að borga uppsett gjald skv. mæli. Þá spurði bílsstjórinn ungi mig: "ert þú eldri borgari?". Á mig komu vöflur og ég varð andartak kjaftstopp uns ég svaraði neitandi! Skýring unga mannsins var að eldri borgarar fengju 10% afslátt. Ég gat ekki móðgast, því allt var þetta í hinni bestu meiningu af hálfu unga mannsins. En ég sem enn á þó nokkur ár í að verða löggilt gamalmenni, er tíminn farinn að setja mark sitt á ásjónu mína!?

Hreinsun í Framsóknarflokknum.

Wed, 24 Aug 2011 02:37:58 GMT

Allir sem þekkja mig vita að ég fylgi Framsóknarflokki að málum, sérstaklega eftir að hann gekk í endurnýjun lífdaga í kjölfar þess að Halldór Ásgrímsson hvarf af vettvangi, svo og Jón Sigurðsson og Sigmundur Davíð Gunnlaugsson með ferskt og nýtt þinglið kom þar að. Einhver hafa þó gengið úr skaftinu sem lítil eftirsjá er að og jafnvel fagnaðarefni að sjá á eftir, óþjóðhollir einstaklingar sem eru ekki með hugann við hagsmuni lands og þjóðar, heldur horfa í átt til einnar þröngsýnustu og sjálfhverfustu fjölþjóðlegrar stofnunar á byggðu bóli.